之前都響IG見到好多朋友有訂一間叫 #壹路發海產 （IG係 @168.seafood）嘅海鮮，見到佢地食得好滋味，於是私底下都fact check下呢幾位朋友，呢間野啲海鮮係咪真係咁掂，結果佢地嘅反應係一致超好評，就係咁，我就落咗搭去訂海鮮，返屋企打邊爐！
呢個海鮮餐間直係就為我嘅Birthday Week揭開序幕，又皇帝蟹、鮑魚、象拔蚌仔、桶蠔等等，真係好豐富架，最重要係唔洗自己洗，所有海產真係好新鮮！仲記唔記得我早排整咗個無水蒸海鮮鍋，洗海鮮都洗咗我一個鐘，真係洗到怕怕。
又分享一下今次訂海鮮嘅過程，我響IG搵到佢地嘅電話，成個訂單都係Whatsapp溝路，落完Order客服會打電話對一次單，客服有禮貌又跟得好足，送貨時間都可以自訂，我set左係晚上6點至7點半送貨，送貨員差唔多到我屋企前會打來double check，最後佢地6點半就送到來我家門口，都好準時。海鮮用保凍袋包裝好，打開入面佢地有pack到冰來保溫，海鮮就分好一盒盒用膠盒（係唔多環保，但啲膠盒我有洗返乾淨循環再用）放好，包裝得真係好企理。
至於海鮮方面，以呢種外送海鮮嚟講，真係算係洗得幾乾淨。品質上，所有海鮮都好新鮮，皇帝蟹爆晒膏，肉好鮮甜彈牙，隻蟹真係超大隻，兩個人食唔晒，留來煮多兩餐。鮑魚、象拔蚌仔夠彈牙，好鮮甜；桶蠔大隻、新鮮；瀨尿蝦超大隻，本來打算火鍋灼來食，最後都係用來蒸，肉質夠爽又鮮甜，下次一定要encore！我喜歡食魚，仲要咗一條斑仔，起埋肉，真係好方便，仲有魚頭魚骨，用嚟撚滾湯底一流。
總結：無論服務同食物都好👍🏻👍🏻👍🏻，會再order！
（仲有，送貨有收費，我今次係送去港島區，收咗我$150）
立即Follow我的Instagram @mrswongskitchen
#非廣告 #自費
Search